Accaddemy

இலங்கைக்கு 2017 இல் மேலதிக ஹஜ் கோட்டா..


-ARA FAREEL -
சவூதி ஹஜ் அமைச்சு உறுதியளிப்பு
2017 ஆம் ஆண்டு ஹஜ் கட­மையை நிறை­வேற்­று­வ­தற்­காக இலங்­கை­ய­ருக்கு மேல­தி­க­மாக ஹஜ் கோட்­டாவை வழங்­கு­வ­தற்கு சவூதி அரே­பி­யாவின் ஹஜ் அமைச்சர் டாக்டர். மொஹமட் சாலிஹ் பின் தாஹிர் பின்தான் முஸ்லிம் சமய விவ­கார மற்றும் தபால், தபால் சேவைகள் அமைச்சர் எம்.எச்.ஏ. ஹலீ­மிடம் உறு­தி­ய­ளித்­துள்ளார்.


கடந்த வருடம் ஹஜ் கடமை நடை­பெற்ற காலத்தில் இடம்­பெற்ற விபத்­தி­னை­ய­டுத்து இவ்­வ­ருடம் சவூதி ஹஜ் அமைச்சு ஹாஜி­களின் பாது­காப்பு மற்றும் நலன்­களில் அதிக அக்­கறை கொண்­டி­ருந்­த­தி­னா­லேயே மேல­திகக் கோட்டா வழங்­கப்­ப­ட­வில்லை என்­ப­த­னையும் சவூதி ஹஜ் அமைச்சர், அமைச்சர் எம்.எச்.ஏ.ஹலீ­மிடம் தெரி­வித்தார்.

ஹஜ் யாத்­திரை மேற்­கொண்­டி­ருந்த முஸ்லிம் சமய விவ­கார மற்றும் தபால், தபால்­துறை அமைச்சர் எம்.எச்.ஏ.ஹலீம் சவூதி அரே­பி­யாவில் சவூதி மன்னர் ஏற்­பாடு செய்­தி­ருந்த மதிய போசன விருந்­து­ப­சா­ரத்தில் கலந்து கொண்டார். விருந்­து­ப­சா­ரத்தின் போது அமைச்சர் ஹலீமும் சவூதி அரே­பி­யாவின் ஹஜ் அமைச்­சரும் இலங்­கையின் ஹஜ் விவ­காரம் தொடர்பில் கலந்­து­ரை­யா­டி­னார்கள்.

இந்தக் கலந்­து­ரை­யா­டலின் போதே சவூதி ஹஜ்  அமைச்சர் 2017 ஆம் ஆண்டு ஹஜ் கட­மைக்­காக இலங்­கைக்கு மேல­திக கோட்டா வழங்­கு­வ­தாக உறு­தி­ய­ளித்தார்.

இது தொடர்பில் அமைச்சர் ஹலீம் ‘விடி­வெள்ளி’ க்கு கருத்து தெரி­விக்­கையில்;
 இந்த வருடம் மேல­திக ஹஜ் கோட்டா கிடைக்­காமற் போனமை தொடர்பில் பலர் குற்­றச்­சாட்­டு­களை முன்­வைக்­கின்­றனர். ஆனால் சவூதி அர­சாங்கம் ஹஜ்­ஜா­ஜி­களின் பாது­காப்­பினை கரு­தியே மேல­திக ஹஜ் கோட்டா வழங்­க­வில்லை. 

அடுத்த வருட ஹஜ் கட­மைக்­காக எமக்கு வழ­மை­யாக வழங்­கப்­படும் கோட்­டாவை விடவும் மேல­திக கோட்­டாவைப் பெற்றுக் கொள்ள நாம் இப்­போ­தி­லி­ருந்தே முயற்­சி­களை மேற்­கொண்டு வரு­கிறோம். சவூதி ஹஜ் அமைச்­ச­ருடன் பேச்­சு­வார்த்தை நடத்­தி­யுள்ளேன். அவர் மேல­திகக் கோட்­டா­வுக்கு உறு­தி­ய­ளித்­துள்ளார்.

ஜனா­தி­பதி மைத்­தி­ரி­பால சிறி­சேன வெகு­வி­ரைவில் அரபு நாடு­க­ளுக்­கான விஜ­ய­மொன்­றினை மேற்­கொள்­ள­வுள்ளார். அவர் ஐக்­கிய அரபு இராச்­சியம், கட்டார், சவூதி அரே­பியா ஆகிய நாடு­க­ளுக்கு பய­ணிக்­க­வுள்ளார். சவூதி அரே­பியா விஜ­யத்­தின்­போது சவூதி மன்­ன­ரி­டமும் ஹஜ் மேல­திக கோட்டா தொடர்­பாக கலந்­து­ரை­யா­ட­வுள்ளார்.

ஹஜ் கடமை நிறை­வெய்­திய பின்பு கஃபா கழுவி சுத்­தப்­ப­டுத்­தப்­ப­ட­வுள்­ளது. கஃபாவை கழுவும் நிகழ்­விலும் நான் கலந்து கொள்­ள­வுள்ளேன். அச் சந்­தர்ப்­பத்­திலும் இலங்­கைக்கு மேல­திக கோட்டா பெற்றுக் கொள்­வது தொடர்­பாக சம்­பந்­தப்­பட்ட அதி­கா­ரி­க­ளிடம் கோரிக்கை விடுக்­க­வுள்ளேன் என்றார்.

இவ்­வ­ருடம் இலங்­கைக்கு 2240 ஹஜ் கோட்­டாவே வழங்­கப்­பட்­டன. மேல­திக ஹஜ் கோட்­டாவை பெற்றுக் கொள்­வ­தற்­காக முஸ்லிம் சமய விவ­கார அமைச்சர் எம்.எச்.ஏ.ஹலீம் தேசிய ஒரு­மைப்­பாடு மற்றும் நல்­லி­ணக்க இரா­ஜாங்க அமைச்சர் ஏ.எச்.எம்.பௌசி இரு­வரும் பல முயற்­சி­களை முன்­னெ­டுத்­தனர். ஜனா­தி­பதி மைத்­தி­ரி­பால சிறி­சே­னவும் சவூதி மன்­ன­ருக்கு இது தொடர்­பாக கடி­த­மொன்றின் மூலம் கோரிக்­கையை முன்­வைத்­தி­ருந்தார்.

இறுதி நேரத்தில் மேல­திக கோட்டா கிடைக்­கு­மென்ற ஓர் எதிர்­பார்ப்பை அரச ஹஜ் கமிட்டி மக்­க­ளுக்கு வழங்­கி­யி­ருந்­தமை குறிப்­பி­டத்­தக்­கது. இதன் பேரில் ஆயிரத்துக்கும் மேற்பட்ட மக்கள் ஹஜ் கடமைக்காக தயாராக இருந்தார்கள். ஹஜ் முகவர்களிடம் கடவுச் சீட்டுகளை கையளித்து முற்பணமும் வழங்கியிருந்தனர்.

என்றாலும் இலங்கைக்கு மேலதிக ஹஜ் கோட்டா வழங்கப்படாததால் ஏமாற்றத்துக்குள்ளாகினர் என்பது குறிப்பிடத்தக்கதாகும்
இலங்கைக்கு 2017 இல் மேலதிக ஹஜ் கோட்டா.. இலங்கைக்கு 2017 இல் மேலதிக ஹஜ் கோட்டா.. Reviewed by Madawala News on 9/21/2016 10:05:00 AM Rating: 5