Accaddemy

அர்ஜுன் மகேந்திரன் திருமண நிகழ்வில் கலந்து கொள்ளவே சென்றுள்ளார். திரும்பி வந்துடுவார். கோப் அறிக்கை நல்லாட்சிக்கு கிடைத்த வெற்றியே.



மத்திய வங்கியின் பிணைமுறிகள் தொடர்பில் விசாரணைகளை முன்னெடுத்த அரச பொறுப்பு முயற்சிகள் தொடர்பான தெரிவுக்குழுவின் (கோப்) இறுதி அறிக்கை நாடாளுமன்றத்தில் இன்று சமர்பிக்கப்பட்டப்போது உரையாற்றிய பிரதமர் ரணில் விக்கிரமசிங்க, குறித்த குற்றச்சாட்டுக்கு இலக்காகியுள்ள மத்திய வங்கியின் முன்னாள் ஆளுநர் அர்ஜுன் மகேந்திரன், வெளிநாடு சென்றுள்ளதை உறுதி செய்ததுடன் அவர் நாடு திரும்புவார் என்றும் சபையில் அறிவித்தார்.

திருமண நிகழ்வொன்றில் கலந்துகொள்வதற்காகவே, அவர் வெளிநாடு சென்றுள்ளார் என்றும் இந்நிகழ்வு முடிந்தவுடன் நாடு திரும்புவார் என்றும் பிரதமர் மேலும் கூறினார்.

 அதேவேளை, மத்திய வங்கியின் பிணை முறிகள் தொடர்பில் விசாரணைகளை முன்னெடுத்த அரச பொறுப்பு முயற்சிகள் தொடர்பிலான தெரிவுக்குழுவின் (கோப்) அறிக்கை, நாடாளுமன்றத்தில் தற்போது சமர்ப்பிக்கப்பட்டுக் கொண்டிருக்கின்றது.

54 பக்கங்கள் மற்றும் சுமார் 2000 பக்கங்களைக் கொண்ட இணைப்புகளும் உள்ளடக்கப்பட்டுள்ளன.

26பேர் கொண்ட இந்தக் கோப் குழுவின் இறுதி அறிக்கையில், அடிக்குறிப்புகளுடன் கூடிய அறிக்கைக்கு, 16பேர் ​கையொப்பமிட்டுள்ளனர்.

அடிக்குறிப்பு இல்லாத அறிக்கைக்கு 9பேர் கைச்சாத்திட்டுள்ளனர். இக்குழுவின் உறுப்பினராக ரஞ்சன் ராமநாயக்க, இரண்டிலும் கைச்சாத்திட்டுள்ளனர்.

எனினும், கோப் குழுவி வின் அறிக்கையில் குறிப்பிடப்பட்டுள்ள பரிந்துரைகளுக்கு, கோப் குழுவின் சகல உறுப்பினர்களும் இணக்கம் தெரிவித்துள்ளனர்.

மத்திய வங்கியில், 2015ஆம் ஆண்டு பெப்ரவரி மாதம் முதல் 2016ஆம் ஆண்டு மார்ச் வரை, பிணை முறிகள் விநியோகத்தில் இடம்பெற்ற மோசடிகள் தொடர்பிலேயே, கோப் குழு விசாரித்தது.

“இரண்டு நாட்கள் கண்விழித்தே, இந்த இறுதி அறிக்கை தயாரிக்கப்பட்டது. அதற்காக அர்ப்பணித்த சகலருக்கும் நன்றியைத் தெரிவித்துக்கொள்கிறேன் என்று கூறிய பிரதமர் ரணில் விக்கிரமசிங்க, இது நல்லாட்சிக்கு கிடைத்த வெற்றி என்றும் கூறினார்.
அர்ஜுன் மகேந்திரன் திருமண நிகழ்வில் கலந்து கொள்ளவே சென்றுள்ளார். திரும்பி வந்துடுவார். கோப் அறிக்கை நல்லாட்சிக்கு கிடைத்த வெற்றியே. அர்ஜுன் மகேந்திரன் திருமண நிகழ்வில் கலந்து கொள்ளவே சென்றுள்ளார். திரும்பி வந்துடுவார். கோப் அறிக்கை நல்லாட்சிக்கு கிடைத்த வெற்றியே. Reviewed by Madawala News on 10/28/2016 11:23:00 AM Rating: 5