Accaddemy

நேற்றைய வரவு செலவுத் திட்டத்தில் புதிதாக உருவான வரி, மற்றும் சலுகைகளின் தொகுப்பு இதோ.



பொருளாதார இலக்குகளை அடையும் நோக்கில், இணக்க அரசாங்கத்தின் இரண்டாவது வரவு செலவுத் திட்டம், நிதி அமைச்சர் ரவி கருணாநாயக்கவினால் பாராளுமன்றத்தில் இன்று சமர்ப்பிக்கப்பட்டது.

வரவு செலவுத் திட்டத்தில் முன்மொழியப்பட்ட வரித்திருத்தங்கள் தொடர்பிலான ஓர் கண்ணோட்டம்

* எவரேனும் வழக்குத் தாக்கல் செய்யும் போது, வழக்குத் தாக்கல் செய்வதற்கான கட்டணத்தை செலுத்த வேண்டும்.

* வீதி சட்டங்களை மீறுவோருக்கான குறைந்தபட்ச அபராதம் 2500 ரூபா வரை அதிகரிக்கப்பட்டுள்ளது.

* வீசா கட்டணத்தையும் அதிகரிப்பதற்கு உத்தேசிக்கப்பட்டுள்ளது.

* மொழி மாற்றம் செய்யப்பட்ட வெளிநாட்டுத் தொலைக்காட்சித் தொடர்களுக்கான கட்டணமும் அதிகரிக்கப்படவுள்ளன.

* தேசிய வரி பேரவை ஸதாபிக்கப்படவுள்ளது

* வரி செலுத்துவோரை ஊக்கப்படுத்துவதற்காக சலுகைகள் வழங்கப்படவுள்ளன

* கப்பல் மற்றும் விமானக் கட்டணங்களை 50 டொலர் வரை அதிகரிப்பதற்கு உத்தேசிக்கப்பட்டுள்ளது.

* Easy Cash உள்ளிட்ட நிதி கொடுக்கல் வாங்கல்கள் தொடர்பில் 10 ஆயிரம் ரூபாவிற்கு 5 ரூபா என்ற அடிப்படையில் புதிய வரி அறிமுகப்படுத்தப்படவுள்ளது.

* தொலைத்தொடர்புக் கட்டணமும் 2.5 வீதத்தால் அதிகரிக்கப்படவுள்ளது.

* கையடக்கத் தொலைபேசிகளில் சிம் கார்ட் ஒன்றை செயற்படுத்தும் போது 200 ரூபா கட்டணம் அறவிடப்படவுள்ளது.

* மதுபானம், புகையிலை மற்றும் சூதாட்டத்திற்கான 40 வீத வரியைத் தொடர்ந்தும் பேணிச்செல்வது எனவும் வரவு செலவுத்திட்டத்தில் பிரேரிக்கப்பட்டுள்ளது.

* வருமான வரியிலும் திருத்தம் மேற்கொள்வதற்கு திட்டமிடப்பட்டுள்ளது.

* அதிகபட்ச வரி விகிதாசாரம் 40 வீதம் என்பதுடன், வரி விடுவிப்பு எல்லையைக் கடந்த ஒவ்வொரு மட்டத்திற்காகவும் தலா 6 இலட்சம் ரூபா வீதம், 4 தொடக்கம் 24 வீத வரி அறவிடப்படவுள்ளது.

* வட்டி வருமானத்திற்கு அமைய, அறவிடப்படுகின்ற வட்டியும் 5 வீதத்தால் அதிகரிக்கப்படவுள்ளது.

* 60 ஆயிரம் ரூபாவிற்குக் குறைந்த வட்டி வருமானம் கிடைக்கும் சேமிப்புக் கணக்குகளுக்கு வழங்கப்பட்டிருந்த வரிச்சலுகை நீக்கப்பட்டுள்ளது.

* சிரேஷ்ட பிரஜைகளின் ஒரு இலட்சத்து 25 ஆயிரம் ரூபா வரையான வட்டி வருமானத்தை, வருமான வரியில் இருந்து விடுவிக்கவும் வரவு செலவுத்திட்டத்தில் பிரேரிக்கப்பட்டுள்ளது.

* வருமானம் ஈட்டும் போது அறவிடப்படுகின்ற வரியும் திருத்தப்பட்டுள்ளதுடன், மாதாந்தம் ஒரு இலட்சம் ரூபா வரி எல்லையை விதிப்பதற்கும் திட்டமிடப்பட்டுள்ளது.

* இரண்டாவது சேவை வருமானம் 50 ஆயிரம் ரூபா வரை கிடைக்கும் போது 10 வீத வரியும், 50 ஆயிரம் ரூபாவிற்கு மேல் கிடைக்கும் போது 20 வீதமும் செலுத்த வேண்டும் என வரவு செலவுத் திட்டத்தில் தெரிவிக்கப்பட்டுள்ளது.

* அரச ஊழியர்களின் வரி அவர்களது சம்பளத்தில் இருந்து குறைக்கப்பட வேண்டும் எனவும் அதில் சுட்டிக்காட்டப்பட்டுள்ளது.

* வாகனங்கள் தொடர்பிலும் சில திருத்தங்கள் வரவு செலவுத் திட்டத்தில் உள்ளடக்கப்பட்டுள்ளதுடன், 100 கிலோ வோட்டை விடக்குறைந்த, எலக்ட்ரிக் கார் உற்பத்திக்கான வரி குறைக்கப்பட்டுள்ளது.

* லொறி மற்றும் 5 தொன்களை விடக்கூடிய குளிர்சாதன வசதியுடைய ட்ரக்களை இறக்குமதி செய்வதற்கான கால எல்லை 10 வருடங்கள் வரை நீடிக்கப்பட்டுள்ளது.

* கார்களுக்கான எயார் பேக், ABS மற்றும் ஆசனப் பட்டிகள் கட்டாயமாக்கப்பட்டுள்ளன.

* வாகன உரிமைக் கட்டணம் சுங்கப்பிரிவில் இருந்து, வாகனங்கள் விடுவிக்கப்படுகின்ற சந்தர்ப்பத்திலேயே அறவிடப்படவுள்ளது.

* 5 வருடங்களுக்கு மேற்பட்ட வாகனங்களை ஏற்றுமதி செய்யும் போது வரிச்சலுகையை வழங்கவும் வரவு செலவுத் திட்டத்தில் உத்தேசிக்கப்பட்டுள்ளது.

* 5 வயது தொடக்கம் 19 வயது வரையான அனைத்து பாடசாலை மாணவர்களுக்கும் இரண்டு இலட்சம் ரூபா பெறுமதியான காப்புறுதி வழங்கப்படவுள்ளது.

* வைத்தியசாலைகளில் அனுமதிக்கப்படுகின்ற மாணவர்களுக்கு ஒரு இலட்சம் ரூபாவும், வெளி நோயாளர் பிரிவில் சிகிச்சை பெறுவதற்காக 10 ஆயிரம் ரூபாவும் இந்தத் திட்டத்தின் மூலம் கிடைக்கவுள்ளது.

* உயர்தர வகுப்பு மாணவர்களுக்கும் ஆசிரியர்களுக்கும் இலவசமாக டப்கள் (TAB) வழங்கப்படவுள்ளன.

* ஒரு பாடசாலைக்கு 50 கணனிகள் வீதம் அனைத்து பாடசாலைகளுக்கும் வழங்கப்படவுள்ளன.

* விசேட தேவையுடைய மாணவர்களுக்கான நாளாந்த கொடுப்பனவை 150 ரூபா வரை அதிகரிக்க தீர்மானிக்கப்பட்டுள்ளது.

* ஜனவரி மாதம் 8 ஆம் திகதி வரை அனைத்து பிள்ளைகளுக்கும் சேமிப்புக் கணக்குகள் ஆரம்பிக்கப்படவுள்ளன.

* பல்கலைக்கழகக் கல்வியைத் தொடர்வதற்கான அனுமதி கிடைக்காத மாணவர்கள், இசெட் புள்ளிகளின் அடிப்படையில் தெரிவு செய்யப்பட்டு பல்கலைக்கழக மானியங்கள் ஆணைக்குழு அங்கீகரிக்கும் பட்டப்படிப்பு நிறுவனங்களில் உயர்கல்வியைத் தொடர்வதற்கு 8 இலட்சம் ரூபா மானியக் கடன் வழங்கப்படவுள்ளது.

* பிரிவெனாக்களில் கல்வி பயிலும், பிக்கு மாணவர்களுக்கு மாதாந்தம் 2500 ரூபா புலமைப்பரிசில் வழங்கப்படவுள்ளது.

* விவசாயிகளுக்காகவும் இம்முறை வரவு செலவுத் திட்டத்தில் பல்வேறு நலத்திட்டங்கள் அறிமுகப்படுத்தப்பட்டுள்ளன.

* அரசாங்கம் பயன்படுத்தாத காணிகளை விவசாய செய்கைகளுக்காகப் பயன்படுத்துவது மற்றும் கமநல கூட்டுறவு சங்கங்களை ஏற்படுத்துதல் என்பன இதில் முக்கியமானவையாகும்.

* 15 ஆயிரம் பசுக்களை இறக்குமதி செய்து, ஒரு பண்ணையாளருக்கு 10 என்ற அடிப்படையில் பகிர்ந்தளிக்கவும் வரவு செலவுத் திட்டத்தில் உத்தேசிக்கப்பட்டுள்ளது.

* கோழிப்பண்ணையாளர்களை ஊக்குவிக்கும் வகையில், அதிகபட்ச சில்லறை விலையாக 420 ரூபா அறிவிக்கப்பட்டுள்ளது.

* பண்ணைகளுக்காக சோளம் இறக்குமதி செய்யவும், மானியம் வழங்கப்படவுள்ளது.

* உள்நாட்டுக் கலைஞர்களுக்கு லக்சல நிலுவைப் பணத்தை செலுத்துவது, பண்டித் அமரதேவ இசை ஆசிரமத்திற்கு 25 மில்லியன் ரூபா ஒதுக்கீடு செய்தல் என்பனவும் வரவு செலவுத் திட்டத்தில் உள்ளடக்கப்பட்டுள்ளன

* ஓய்வூதியத் திட்டத்திற்குப் பதிலாக பங்களிப்பு ஓய்வூதிய முறையொன்றை ஊக்குவிக்கும் நோக்கில், அனைத்து அரச மற்றும் தனியார் சேமலாப நிதி கணக்குகளை ஒருங்கிணைத்து, ஒழுங்குபடுத்துவதற்கு அரசாங்கம் உத்தேசித்துள்ளது.
* முச்சக்கரவண்டிகள் மற்றும் பாடசாலை போக்குவரத்தில் ஈடுபடுகின்ற வாகனங்களைக் கண்காணிப்பதற்காக நிறுவனம் ஒன்று ஸ்தாபிக்கப்படவுள்ளது.

* தொலைத்தொடர்பு கோபுரங்கள் அனைத்தையும் ஒரே நிறுவனத்தின் கீழ், பொதுவான பயன்பாட்டு வசதியாக நடத்திச் செல்லவும் வரவு செலவுத் திட்டத்தில் பிரேரிக்கப்பட்டுள்ளது.

* போதைப்பொருள் ஒழிப்பிற்காக பொலிஸாருக்கு 150 மில்லியன் ரூபா ஒதுக்கீடு செய்யப்பட்டுள்ளது.

* புகைத்தல் ஒழிப்பு ஜனாதிபதி செயலணிக்கு 500 மில்லியன் ரூபாவை நன்கொடையாக வழங்குமாறு, சிகரட் உற்பத்தியாளர்களுக்கு யோசனை முன்வைக்கப்பட்டுள்ளது.

* நேரடி வரி வருமானத்தை 28 வீதத்தில் இருந்து 40 வீதம் வரை உயர்த்துவதற்கு அரசாங்கம் திட்டமிட்டுள்ளது.

* மறைமுக வரியை 80 வீதத்தில் இருந்து 40 வீதமாக குறைப்பதற்கும், அரசாங்கம் வரவு செலவுத்திட்டத்தின் ஊடாக யோசனை முன்வைத்துள்ளது.

* வருமான வரி விகிதாசாரத்தை 14 வீதம், 28 வீதம், 40 வீதம் என மூன்று கட்டங்களாக சீரமைக்கவும் உத்தேசிக்கப்பட்டுள்ளது.

* சிறிய மற்றும் நடுத்தர கைத்தொழில்கள், பொருட்கள் மற்றும் சேவைகள் ஏற்றுமதி, வங்கி, கல்வி, ஆகிய துறைகள் தொடர்ந்தும் 14 வீதத்திற்குக் குறைந்த வரி வீதத்தில் பேணிச்செல்லப்படவுள்ளன.

* நிதியம், ஆதாய பங்கு, முறிகள் மற்றும் திறைசேரி உண்டியல்கள் மீதான வரி விகிதத்தை 10 வீதத்தில் இருந்து 14 வீதம் வரை அதிகரிப்பதற்கு திட்டமிடப்பட்டுள்ளது.

* யாழ்ப்பாணம், மட்டக்களப்பு மற்றும் ஹம்பாந்தோட்டை மாவட்டங்களில் மீன்பிடித்துறையின் மேம்பாட்டிற்காக 1200 மில்லியன் ரூபா ஒதுக்கீடு செய்யப்பட்டுள்ளது.

* யாழ்ப்பாணம், அம்பாறை மற்றும் கராப்பிட்டிய வைத்தியசாலைகளில் 1000 மில்லியன் ரூபா செலவில் சிறுவர் சிகிச்சைப் பிரிவுகள் ஸ்தாபிக்கப்படவுள்ளன.

* வட மாகாணத்தில் புதிய தொழில் வாய்ப்புக்களை உருவாக்கும் வகையில், முதலீடு மேற்கொள்வோருக்கு விசேட வரிச் சலுகைகளை வழங்க உத்தேசிக்கப்பட்டுள்ளது.

* தெற்கு அதிவேக வீதியை பதுளை வரை விஸ்தரிக்க திட்டமிடப்பட்டுள்ளது.

* திருகோணமலையில் குடிநீர்த் திட்டத்தை விருத்தி செய்வதற்காக 600 மில்லியன் ரூபா ஒதுக்கப்படவுள்ளது.

* பெருந்தோட்டத்துறை தொழிலாளர்களுக்காக 25 ஆயிரம் வீடுகளை நிர்மாணித்துக் கொடுப்பதற்கான யோசனைகள் அடுத்த ஆண்டுக்கான வரவு செலவுத்திட்டத்தில் முன்வைக்கப்பட்டுள்ளன. இதற்கான காணிகளை அரசாங்கம் இலவசமாக பெற்றுக் கொடுக்கும் என்றும் நிதியமைச்சர் சுட்டிக்காட்டியுள்ளார்.

* வடக்கு, கிழக்கு பிரதேசங்களில் வீடமைப்புகளைத் துரிதப்படுத்துவதற்காக 5000 மில்லியன் ரூபா ஒதுக்கீடு செய்யப்பட்டுள்ளது.

* வடக்கு, கிழக்கு மாகாணங்களில் நல்லிணக்கத்தையும், சமாதானத்தையும் கட்டியெழுப்பும் நோக்கத்திற்காக 180 மில்லியன் ஒதுக்கப்பட்டுள்ளது.
நேற்றைய வரவு செலவுத் திட்டத்தில் புதிதாக உருவான வரி, மற்றும் சலுகைகளின் தொகுப்பு இதோ. நேற்றைய வரவு செலவுத் திட்டத்தில் புதிதாக உருவான வரி, மற்றும் சலுகைகளின் தொகுப்பு இதோ. Reviewed by Madawala News on 11/11/2016 11:25:00 AM Rating: 5