Ad Space avaiable

அனர்த்த நிவா­ரண, மீட்பு பணிகள் துரிதம்.


-MFM.Fazeer-

அனர்த்­தத்தால் பாதிக்­கப்­பட்ட பகு­தி­களில் இன்னும் இயல்பு நிலைக்கு திரும்­பாது தொடர்ந்தும் அசா­தா­ரண நிலை நீடித்து வரு­கின்­றது. வெள்ளம் வடிந்து சென்­றுள்­ள­போ­திலும் அங்கு சுத்தம் செய்யும் பணிகள் இடம்­பெற்று வரு­கின்­றன.

அத்­துடன், மண்­ச­ரிவு ஏற்­பட்ட பகு­தி­களில் தொடர்ந்தும் மீட்புப் பணிகள் இடம்­பெற்று வரு­கின்­றன.

அனர்த்­தத்தில் சிக்­குண்ட பொது­மக்­களின் உயி­ரி­ழப்பு எண்­ணிக்கை 203 ஆக  பதி­வா­கி­யுள்­ள­துடன்  காணாமல் போன 95 பேரை தேடும் பணி­களும் பாது­காப்பு படை­க­ளினால் முன்­னெ­டுக்­கப்­பட்டு வரு­கின்­றது.

ஒரு லட்­சத்து 68 ஆயி­ரத்து 61 குடும்­பங்­களைச் சேர்ந்த 6 லட்­சத்து 46 ஆயி­ரத்து 596 பேர் பாதிக்­கப்­பட்­டுள்­ளனர்.

கடந்த மாதம் இறுதி வாரத்தில் ஏற்­பட்ட அசா­தா­ரண கால­நிலை கார­ண­மாக ஏற்­பட்ட மண்­ச­ரி­வுகள் மற்றும் வெள்­ளப்­பெ­ருக்கில் சிக்கி உயி­ரி­ழந்த பொது­மக்­களின் எண்­ணிக்கை  203 ஆக  பதி­வா­கப்­பட்­டுள்­ள­துடன்  இந்த எண்­ணிக்கை மேலும் உயர்­வ­டைய வாய்ப்­புகள் உள்­ள­தாக கூறப்­ப­டு­கின்­றது.  காணமால் போனோரின் எண்­ணிக்­கையும்  95 ஆக  உள்­ளது. காணமால் போனோரை தேடும் பணிகள் தொடர்ந்த  வண்ணம் உள்­ளன.

14 மாவட்­டங்­களில் இந்த தாக்கம் ஏற்­பட்டநிலையில் பெரும்­பா­லான பகு­திகள் ஓர­ளவு சாதா­ரண நிலை­மைக்கு  வந்­துள்­ளன. எனினும் இரத்­தி­ன­புரி, களுத்­துறை, மாத்­தறை ஆகிய மாவட்­டங்கள் அதி­க­ள­வி­லான பாதிப்­பு­களை சந்­தித்­துள்ள நிலையில் இப் பிர­தே­சங்கள் தொடர்ந்தும் பாது­காப்­பற்ற பகு­தி­யா­கவே கரு­தப்­பட்­டு­வ­ரு­கின்­றது. களுத்­துறை, இரத்­தி­ன­புரி மாவட்­டங்­க­ளிலும் மலை­ய­கத்தில் ஏனைய பகு­தி­க­ளிலும் தொடர்ந்தும் மண்­ச­ரிவு அபாய எச்­ச­ரிக்கை விடுக்­கப்­பட்­டுள்­ளது.

இரத்­தி­ன­புரி
இரத்­தி­ன­புரி மாவட்­டத்தின் களு­கங்­கையை அண்­மித்த பகு­தியில் வெள்ளம் குறை­வ­டைந்­துள்ள போதும்  கிரி­யெல்ல, அய­கம போன்ற பகு­தி­களில் இன்னும் வெள்ள நீர் வடிந்­தோ­டது தேங்­கி­யுள்­ளது. இரத்­தி­ன­புரி மாவட்­டத்தில் 37 ஆயி­ரத்து 458 குடும்­பங்­களை சேர்ந்த 1 இலட்­சத்து 45 ஆயி­ரத்து 247 பேர் பாதிப்­புக்கு உள்­ளா­கி­யுள்ள நிலையில்,  இது­வ­ரை­யிலும் 11ஆயி­ரத்து 173 குடும்­பங்­களை சேர்ந்த 44ஆயி­ரத்து 684 பேர் தொடர்ந்தும் முகாம்­களில் தங்­க­வைக்­கப்­பட்­டுள்­ளனர்.

இரத்­தி­ன­புரி மாவட்­டடம் அதிக உயிர் சேதங்­க­ளையும் ஏற்­ப­டுத்­தி­யுள்­ளது. இது­வ­ரையில்  84 பேரின் சட­லங்கள் இங்கு மீட்­கப்­பட்­டுள்­ளது. காணமால் போயுள்­ள­தாக கரு­தப்­படும் மேலும் 29 பேரை தேடும் பணி­களும் முன்­னெ­டுக்­கப்­பட்டு வரு­கின்­றன. இரத்­தி­ன­புரி மாவட்­டதின் நிவித்­தி­கல, கல­வான போன்ற பகு­தி­களில் பாரிய அளவில்  மண்­ச­ரி­வுகள் ஏற்­பட்­டுள்ள நிலையில் தொடர்ந்தும் அப்­ப­கு­திகள் அபா­ய­க­ர­மான பகு­தி­க­ளாக அடை­யா­ளப்­ப­டுத்­தப்­பட்­டுள்­ளன.

களுத்­துறை
களுத்­துறை மாவட்­டத்தில் 39 ஆயி­ரத்து 859 குடும்­பங்­களைச் சேர்ந்த ஒரு லட்­சத்து 52 ஆயி­ரத்து 481 பேர் பாதிக்­கப்­பட்­டுள்­ளனர். இது­வ­ரையில் 63 பேரின் சட­லங்­களை மீட்­டுள்ள நிலையில் 52 பேரை தொடர்ந்தும் தேடி வரு­கின்­றனர். 3399 குடும்­பங்­களை சேர்ந்த 13 ஆயி­ரத்து 689 நபர்கள் தொடர்ந்தும் முகாம்­களில் தங்­க­வைக்­கப்­பட்­டுள்­ளனர். வெல்ல நீர் வடிந்­தோ­டி­யுள்ள நிலையில் சில பகு­தி­களில் நீர் மட்டம் ஐந்து அடி அளவில் தேங்கி நிற்­கின்­றது.

மாத்­தறை:

மாத்தறை மாவட்­டத்தின் நிலை­மைகள் தற்­போது வழ­மைக்கு திரும்­பி­யுள்ள நிலையில் துப்­பு­ரவு பணி­களில் மக்கள் ஈடு­பட்டு வரு­கின்­றனர். குறிப்­பாக அதி­க­ள­வி­லான பாதிப்­பு­களை ஏற்­ப­டுத்­திய மாவட்­ட­மாக அடை­யா­ள­ப­டுத்­தப்­பட்­டுள்ள மாத்­தறை  மாவட்­டத்தில் 48 ஆயி­ரத்து 864 குடும்­பங்­களை சேர்ந்த 1 இலட்­சத்து 82 ஆயி­ரத்து  711 நபர்கள் பாதிக்­கப்­பட்­டுள்­ளனர்.

இது­வ­ரையில் 28 பேர் உயி­ரி­ழந்­துள்­ள­துடன் 15 பேர் காணா­மல்­போ­யுள்­ளனர். காணமல் போன­வர்­களை தேடும் பணி­களில் முப்­ப­டை­யி­னரும் நிர்வா­கி­களும் செயற்­பட்டு வரு­கின்­றனர். அதேபோல் பாதிக்­கப்­பட்ட மக்­களில் 2910 குடும்­பங்­களை சேர்ந்த 10 ஆயி­ரத்து 277 பேர் தொடர்ந்தும் முகாம்­களில் தங்­க­வைக்­கப்­பட்­டுள்­ளனர்.

தொடர்ந்தும் மண்­ச­ரிவு எச்­ச­ரிக்கை :

இதே­வேளை களுத்­துறை, கேகாலை, இரத்­தி­ன­புரி, காலி, மாத்­தறை, ஹம்­பாந்­தொட்டை மற்றும் நுவ­ரெ­லியா ஆகிய மாவட்­டங்­க­ளுக்கு விடுக்­கப்­பட்­டி­ருந்த மண்­ச­ரிவு எச்­ச­ரிக்கை  தொடர்ந்தும் நீடிக்­கப்­பட்­டுள்­ளது. நேற்றும் இரத்­தி­ன­புரி, களுத்­துறை, நுவ­ரெ­லியா ஆகிய மாவட்­டங்­களில் கன­மழை பெய்த நிலையில் சப்­ர­க­முவ, தென், மேல் மற்றும் மத்­திய மாகா­ணங்­களில் இடைக்­கி­டையில் மழை பெய்­யக்­கூடும்  எனவும் தொடர்ந்தும் மக்­களை அவ­தா­ன­மாக  இருக்­கு­மாறு எச்­ச­ரிக்­கப்­பட்­டுள்­ளது.
அனர்த்த நிவா­ரண, மீட்பு பணிகள் துரிதம். அனர்த்த நிவா­ரண, மீட்பு பணிகள் துரிதம். Reviewed by Madawala News on 6/02/2017 02:54:00 PM Rating: 5