tg travels

அரசுக்கும், முஸ்லிம்களுக்கும்  இடையே பிளவை ஏற்படுத்த சதி; இப்தார் நிகழ்வில் ஜனாதிபதி தெரிவிப்பு ..


இஸ்லாமியர்களின் புனித நோன்பு திறக்கும் இப்தார் நிகழ்வு ஜனாதிபதி கௌரவ மைத்ரிபால சிறிசேன அவர்களது தலைமையில் இன்று (20) பிற்பகல் ஜனாதிபதி மாளிகையில் நடைபெற்றது.


இஸ்லாமிய சமய தலைவர்கள் உள்ளிட்ட பெருமளவானோர் நிகழ்வில் கலந்து கொண்டனர்.ஜனாதிபதி கௌரவ மைத்ரிபால சிறிசேன அவர்கள் தேசிய நல்லிணக்கத்துக்காக முன்னெடுக்கும் செயற்பாடுகளை பாராட்டியதுடன்,தேசிய நல்லிணக்கத்துக்காக ஆசீர்வாதம் செய்தார்கள்.


நிகழ்வில் உரையாற்றிய ஜனாதிபதி அவர்கள், 


அனைத்து இனங்களுக்குமிடையில் சமாதானம் மற்றும் ஒற்றுமையை கட்டியெழுப்பி நாட்டில் நிலையான சமாதானத்தை ஏற்படுத்துவதற்காக அரசாங்கம் பரந்த செயற்திட்டத்தை முன்னெடுப்பதாக தெரிவித்தார். முன்னர் முஸ்லிம்களுக்கு எதிராக செயற்பட்டவர்கள், அரசாங்கத்துக்கும் முஸ்லிம் மக்களுக்குமிடையில் பேதங்களை ஏற்படுத்தவதற்கு அரசியல் சதியில் ஈடுபட்டிருப்பதாக குறிப்பிட்ட ஜனாதிபதி அவர்கள், தமது பிரச்சினைகளுக்கு தீர்வு கண்டு சுதந்திரமாக வாழக்கூடிய சூழலை ஏற்படுத்துவதற்காகவே 2015 ஜனவரி 08 திகதிய ஜனாதிபதி தேர்தலில் நாட்டின் சிறுபான்மை மக்கள் தனக்கு வாக்களித்ததாகவும் அந்த பொறுப்புக்களை உரியவாறு நிறைவேற்ற பாடுபடுவதாகவும் தெரிவித்தார்.


எனவே அரசியல் சதிகளில் சிக்காது எதிரிகளையும் நண்பர்களையும் இனங்கண்டு செயற்படுமாறு தான் அனைத்து முஸ்லிம்களிடமும் கோரிக்கை விடுப்பதாகவும் குறிப்பிட்டார்.


மாகாண சபைகள் மற்றும் உள்ளூராட்சி அமைச்சர் பயிஸர் முஸ்தபா அவர்களினால் நெறிப்படுத்தப்பட்ட இந்நிகழ்வில் சிறப்பு அதிதியாக பிரதமர் ரணில் விக்ரமசிங்க கலந்து கொண்டார். 


நிகழ்வின் போது பல நாட்டு தூதுவர்கள், மற்றும் பாராளுமன்ற அமைச்சர்கள், பிரதியமைச்சர்கள், பாராளுமன்ற உறுப்பினர்கள் மாகாணசபை உறுப்பினர்கள், உள்ளூராட்சி நிறுவனங்களின் முன்னாள் உறுப்பினர்கள் பலருடன் பொது மக்களும் கலந்து கொண்டனர். (அமைச்சர்களான றிசாட் பதியுதீன், ரவூப் ஹக்கீம், பவ்சி, அப்துல் ஹலீம் பிரதி அமைச்சர்களான அமீர் அலி ஆகியோருடன் பாராளுமன்ற உறுப்பினர்களான எம் எஸ் தவுபிக், முஜிபுர்ரஹ்மான், பயிஸல் காசிம், அலி சாஹிர் மௌலானா, மஸ்தான் ஆகியோர்)


இதன் போது சிறப்பாக பலஸ்தீன் நாட்டிலிருந்து வருகை தந்த அல் அக்ஸா பள்ளிவாசலின் பேஷ் இமாம் உற்பட்ட குழுவினர் கலந்து சிறப்பித்தனர்.

அரசுக்கும், முஸ்லிம்களுக்கும்  இடையே பிளவை ஏற்படுத்த சதி; இப்தார் நிகழ்வில் ஜனாதிபதி தெரிவிப்பு .. அரசுக்கும், முஸ்லிம்களுக்கும்  இடையே பிளவை ஏற்படுத்த சதி; இப்தார் நிகழ்வில் ஜனாதிபதி தெரிவிப்பு .. Reviewed by Madawala News on 6/20/2017 11:00:00 PM Rating: 5