Kidny

Kidny

இலங்கை முஸ்லிம்களுக்கு எதிராக மேற்கொள்ளப்பட்டு வரும் வன்முறை சம்பவங்கள் தொடர்பில் ஜெனிவாவில் முழங்கிய முயிஸ் வஹாப்தீன்.


ஜெனிவாவில் அமைந்துள்ள ஐ.நா. சபையில் நடைபெற்று வரும் 35வது மனித உரிமை மாநாட்டில், 13.06.2017ம் திகதி நடைபெற்ற உப மாநாட்டில், கலந்து கொண்ட ராஜ தந்திரிகள், மனித உரிமை செயட்பாட்டாளர்கள், சர்வேதேச ஊடகவியலார்கள், நெறி முறை அவதானிகள் மத்தியில்  இலங்கை முஸ்லிம்களுக்கு எதிராக மேற்கொள்ளப்பட்டு வரும் வன்முறை சம்பவங்கள் தொடர்பில் சகோதரர் முயிஸ் வஹாப்தீன் அவர்களால் விளக்கமளிக்கப்பட்டது.

இலங்கை முஸ்லிம்களுக்கு  எதிராக அண்மைக்காலமாக மேற்றக்கொள்ளப்பட்டு வரும் வன்முறைகளுக்கு எதிராக பரப்புரைகளை செய்து வரும் சகோதரர் முயிஸ் வஹாப்தீன் அவர்கள் அக்குறணை அஸ்ஹர் கல்லூரி பழைய மாணவர், ஜெனீவாவை தளமாகக் கொண்டு இயங்கி வரும் பல்வேறு   மனித  உரிமை அமைப்புக்களுடன் இணைந்து செயலாற்றி  வருகிறார். பலஸ்தீன், காஷ்மீர், மக்களுக்கு  ஆதரவாக  அந்த நாட்டு அமைப்புக்களுடன் ஜெனீவாவில் பல்வேறு செயற்பாடுகளை மேற்றக்கொண்டு வருகிறார் என்பது குறிப்பிடத்தக்கது.

அந்த முழு உரையின் தமிழாக்கத்தை இங்கே தருகிறோம்.

நன்றி தவிசாளர் அவர்களே.

பிஸ்மில்லாஹிர்ரஹ்மானிர்ரஹீம்.

பெண்கள் மற்றும் பேரன்புக்குரியவர்களே, மேன்மைதங்கிய அவையினரே, நெறிமுறை அவதானிகளே, ராஜ தந்திரிகளே, சர்வதேச ஊடகவியலாளர்களே, மற்றும் அவைத் தவிசாளர் அவர்களே,

இலங்கையில் இன முரண்பாடு மற்றும் உள்நாட்டு யுத்தம் என்பன  அனைத்து இன குழுக்களுக்கிடையில் பாரிய துன்பங்களை உருவாக்கியுள்ள விடயம்  என்பது  பரவலாக அறியப்பட்ட உண்மையாகும்.

கடந்த சில மாதங்களாக முஸ்லீம்களுக்கு எதிரான வன்முறை சம்பவங்கள் தொடர்ந்த வண்ணம் இருக்கின்றன.  இனவெறி மற்றும் தீவிரவாதிகளின் நடவடிக்கைகள் காரணமாக, கோர்க்கப்பட்ட மணி மாலையின் மணிகள் கழன்று சிதறுவது போல ஒன்றன் பின் ஒன்றாக  முஸ்லீம்களுக்கு எதிரான விரோத நடவடிக்கைகள்  மேற்கொள்ளப்பட்டு வருகின்றன.

இந்த ரமலான் கால  சூழ்நிலையில், பொது பல சேனா  மற்றும் அதன் சகோதர  அமைப்புகளிடமிருந்து வரும் அச்சுறுத்தல்களால் முஸ்லீம் சமூகம்  பெரும் இன்னல்களை எதிர்கொண்டிருக்கிறது. இந்த விடயம் சம்பந்தமாக  நான் ஜெனீவாவில் ஐ.நா. சிறுபான்மையின விவகாரங்களுக்கான  விசேட அறிக்கையாளரின்  பிரதிநிதியுடன்  இரண்டு வாரங்களுக்கு முன்னர்  ஒரு அறிக்கையை சமர்பித்தேன். இந்த விஷயத்தைப் பற்றி குறைந்தபட்சம் சில அம்சங்களை நான் பகிர்ந்து கொள்ள விரும்புகிறேன்.

போருக்குப் பிந்தைய காலத்தில் இலங்கை முஸ்லிம் சமூகத்தை சில  தீவிரவாத குழுக்கள்  இலக்கு வைத்து  தாக்குதல்களை தொடங்கியது. கடந்த கால அரசாங்கம்   இந்த தீவிரவாத இயக்கங்கள் வளர அனுமதித்தது, இதனால் முஸ்லிம்கள் பெரும் துன்பங்களை எதிர் கொண்டனர்.  முஸ்லிம்களின்  சொத்துக்களை பெரும்  சேதத்தை ஏற்படுத்தியது. அந்த ஆட்சியை   தோல்வியடையச் செய்து இன்றைய ஆட்சியை உருவாக்க இந்த முஸ்லிம்கள் முன்னின்றனர்.

ஆட்சி மாற்றத்தின் ஆரமப கால கட்டத்தில் இந்த  தீவிரவாத இயக்கங்களின்  நடவடிக்கைகளில் ஒரு மந்தநிலையை காணப்பட்டது, ஆனால் இலங்கையின் வடக்குப் பகுதியிலுள்ள முசலி பிரதேசத்தில் நில பிரச்சினைகள் மீண்டும் உருவானது. வடபுல முஸ்லிம்களின் மீள் குடியேறும் உரிமைக்கு எதிராக இந்த   குழுக்கள் தமது பிரச்சாரத்தை ஆரம்பித்தனர்.

இதனால் பொது பல சேனா, சிங்கள ராவய, ராவண பலயா போன்ற அமைப்புக்கள் மீள் எழுச்சி பெற்றன.  பிறகு அவர்கள் ஒன்று  சேர்ந்துகொண்டனர். 'பேஸ்புக் வீரர்கள்' - மகாசன் பாலாயா, சிங்கள ஜாதிகா பாலமுலுவை மற்றும் டான் பிரசாத் போன்ற புதிய தகவல்  தொழில்நுட்பத்தை பயன்படுத்தி இனவாத  மற்றும் வன்முறை செய்திகளை பரப்பும் அமைப்புக்களும் உருவாகின.

அரசாங்கத்தின்  எந்தவித கடுமையான நடவடிக்கை எடுக்காமையினால், ஞானசார கும்பல்   சிறுபான்மையினருக்கு எதிராக  பெரிய இனவாத நடவடிக்கைகளை தொடர்ந்தன.

சிங்கள பெளத்த வாக்கு வங்கியின் ஆதிக்கத்தை இலக்கு வைத்து ஜனாதிபதி மைத்திரிபால சிறிசேன, மற்றும் பிரதமர்  ரணில் விக்கிரமசிங்க ஆகியோரின் நல்லாட்சி அரசாங்கம் தற்போது செயற்பட்டு வருகின்றது.

 பொலிஸில் பல  புகார்கள் முஸ்லிம்களால் முறைப்பாடு செய்யப்பட்டும், எந்த வித  சட்ட   நடவடிக்கையும் எடுக்கப்படவில்லை.

முஸ்லீம்களுக்கான செயலகம் என்ற ஒரு  முஸ்லிம் சிவில் சமூக  அமைப்பானது 2013 ஆம் ஆண்டு முதல் 2015 ஆம் ஆண்டு வரை முஸ்லிம்களுக்கு எதிராக நடாத்தப்பட்ட  538 சம்பவங்களை  ஆவணப்படுத்தியுள்ளது.

ஏப்ரல் 16 ம் திகதி முதல், வன்முறை, அச்சுறுத்தல்  மத வழிபாட்டு தளங்கள்  மற்றும் பிரதானமாக  முஸ்லிம்களுக்கு  சொந்தமான வர்த்தக நிறுவனங்களை தாக்குதல் என்பன அடங்கலாக  குறைந்தது இருபது ஐந்து வன்முறை சம்பவங்கள் நடந்திருக்கின்றன. இந்த வன்முறைகளில் பொது பல சேனா, சிங்கள ராவய, சிங்களே, மகாசன் பாலாயா ஆகியவற்றுடன் இன்னும் சில அமைப்புக்களும் செயட்படுகின்றன.

ஜனாதிபதி மைத்திரிபால சிறிசேன மற்றும் பிரதமர்   ரணில் விக்கிரமசிங்க ஆகியோருக்கு 2015 ஆம் ஆண்டு ஜனவரியில் தமது கடின உழைப்பால் உருவான வெற்றியை பாதுக்கத்துக் கொள்ள வெண்டுமாயின்   இந்த பெரும் நெருக்கடியை சமாளிக்க வேண்டும். இந்த வன்முறை தாக்குதல்கள் பற்றிக் கவனிக்காது, அமைதியான பார்வையாளராக இருந்து விட முடியாது.

பொலிஸ் மற்றும் பொது பல  சேனாவின் கலாகொட அத்த  ஞானசாராவிற்கும் இடையே ஒரு பூனை மற்றும் சுட்டி விளையாட்டு நடக்கிறது. போலீசார் அவரை கைது செய்ய 14  நாட்களாக  முயட்சிப்பதானது  மிகவும் வேடிக்கையானது.

சட்டங்களை சமமாக பாதுகாப்பதற்கான உரிமை ஒரு அரசியலமைப்பு உரிமை மட்டுமல்ல; எந்த நாகரீக சமுதாயத்தில் மீறமுடியாத ஒரு முழு மனித உரிமை அது. இன மற்றும் சிறுபான்மையினரின்  மத சட்டங்களை சமமான பாதுகாப்பை நிலைநிறுத்த அரசாங்கம் வலுவான  ஆணை பெற்றுள்ளது.

முஸ்லீம்களுக்கு எதிரான வன்முறை இந்த நேரத்தில் மைய நிலைக்கு வந்தாலும், கிறிஸ்தவ எதிர்ப்பு வன்முறைகளும் நடைபெற்று வருகின்றன.   கிறிஸ்தவ குழுக்களுக்கு எதிராக நீண்ட காலமாக இயக்கப்பட்டு வரும்  கிறிஸ்தவ வன்முறைகளும் உள்ளன.  நாடு முழுவதும் இது வரை  கிறிஸ்தவ வழிபாட்டு முறைகளுக்கு எதிரான வன்முறை மற்றும் அச்சுறுத்தல் பற்றிய 20 சம்பவங்கள் நடந்துள்ளன என்று தேசிய கிறிஸ்தவ கூட்டணி தெரிவித்துள்ளது.

காஷ்மீர்  மோதலைப் பொறுத்தவரை. இந்திய ஆக்கிரமிக்கப்பட்ட காஷ்மீரில் மனித உரிமைகள் நிலை 1989 முதல் இதுவரை உள்ளூர் மற்றும் சர்வதேச மனித உரிமைகள் அமைப்புகளிடமிருந்து கடுமையான விமர்சனத்திற்கு உள்ளாகியுள்ளது.

ஏழு இலட்சத்துக்கும் மேற்பட்ட இந்தியத் துருப்புக்களால்  காஷ்மீர் ஒரு இராணுவத் தளமாக மாறியுள்ளன, இந்த துருப்புக்கள் மோசமான மனித உரிமை மீறல்களுக்கு உட்பட்டுள்ளன. இந்த அழகிய நிலத்தின் ஒவ்வொரு பகுதியும் அதிகமாகவோ அல்லது குறைவாகவோ இந்த அன்னிய சக்திகளின் கைகளில் அடக்கு முறைக்கு உள்ளாகி உள்ளன.

பொதுமக்கள், குண்டுகள், துகள்கள், கண்ணீர்ப்புகை குண்டுகள், PAVA குண்டுகள் மற்றும் பலவிதமான அடக்குமுறை ஒடுக்கு முறைகளை தினமும்  எதிர்கொள்கின்றனர்.

சர்வதேச மனித உரிமைகள் மற்றும் மனிதாபிமான சட்டங்கள் ஒவ்வொரு மூலைமுடுக்கிலும் இந்த ஆக்கிரமிக்கப்பட்ட பிரதேசத்தின் நிலத்திலும் ஜாக் பூட்ஸ்களால் நசுங்கி வருகின்றன, மற்றும் குற்றவாளிகள் தொடர்ந்து கருப்பு சட்டங்களின் கீழ் தண்டனையை அனுபவித்து வருகின்றனர்.

முழுமையான அமைதியையும், நல்லிணக்கமும் உருவாக வேண்டும்.

தங்களின்  தனிப்பட்ட மற்றும் கூட்டு பங்களிப்புக்களுக்காக,  என் உண்மையான நன்றிகளை  தெரிவிக்க விரும்புகிறேன்.

எல்லாம் வல்ல இறைவன் தனது அருளை பொழிவானாக.

நன்றி-




இலங்கை முஸ்லிம்களுக்கு எதிராக மேற்கொள்ளப்பட்டு வரும் வன்முறை சம்பவங்கள் தொடர்பில் ஜெனிவாவில் முழங்கிய முயிஸ் வஹாப்தீன். இலங்கை முஸ்லிம்களுக்கு எதிராக மேற்கொள்ளப்பட்டு வரும் வன்முறை சம்பவங்கள் தொடர்பில்  ஜெனிவாவில் முழங்கிய  முயிஸ் வஹாப்தீன். Reviewed by Madawala News on 6/14/2017 11:49:00 AM Rating: 5