Ad Space avaiable

(வீடியோ இணைப்பு) தந்தை ஓட்டிச்சென்ற கார் விபத்து.. குடும்பத்தின் ஒரே சிறுவன் உயிரிழப்பு.


ஹெலியகொட மண்சரிவில் உயிரிழந்தவரின் ஏழாம் நாள் கிரிகைக்கு சென்றுவிட்டு திரும்பிக் கொண்டிருந்தவர்களின் கார் 60 அடி பள்ளத்தில் பாய்ந்து விபத்துக்குள்ளாகியுள்ளது.

இதில் 6 வயது சிறுவன் பலியானதுடன் ஒரே குடும்பத்தை சேர்ந்த மூவர் காயமுற்று வைத்தியசாலையில் அனுமதிக்கப்பட்டுள்ளனர்.

கொழும்பு ஹட்டன் பிரதான வீதியின் கினிகத்தேன நகரை அண்மித்த பகுதியில் இன்று (01) அதிகாலை 1.30 மணியளவில் இவ் விபத்து சம்பவித்துள்ளது.

கினிகத்தேனை அம்பகமுவ சிங்கள வித்தியாலயத்தில் தரம் 1 ல் கல்வி பயிலும் பத்தின் தேவேந்திர பண்டார சேனாரத்ன என்ற சிறுவனே ஸ்தலித்தில் பலியனார்.

உயிரிழந்த சிறுவனின் தந்தை ஓட்டிச்சென்ற  காரில் பயணித்த ஒரே குடும்பத்தை சேர்ந்த குறித்த சிறுவனின் தாய், தந்தை மற்றும் பாட்டி ஆகியோர் காயமுற்ற நிலையில் வைத்தியசாலையில் அனுமதிக்கப்பட்டுள்ளதாக கினிகத்தேன பொலிஸார் தெரிவித்தனர்.

காயமுற்ற பாட்டி நாவலப்பிட்டி வைத்தியசாலையில் அனுமதிக்கப்பட்டுள்ளதுடன் பிரதேச செயலகத்தில் பனியாற்றிய தாய், தந்தை ஆகியோர் கினிகத்தேன வைத்திசாலையில் அனுமதிக்கப்பட்டுள்ளனர்.

மேலதிக விசாரணைகளை கினிகத்தேன பொலிஸார் மேற்கொள்கின்றனர்.
(வீடியோ இணைப்பு) தந்தை ஓட்டிச்சென்ற கார் விபத்து.. குடும்பத்தின் ஒரே சிறுவன் உயிரிழப்பு. (வீடியோ இணைப்பு) தந்தை ஓட்டிச்சென்ற  கார் விபத்து.. குடும்பத்தின் ஒரே சிறுவன் உயிரிழப்பு. Reviewed by Madawala News on 6/01/2017 12:09:00 PM Rating: 5