tg travels

யாழ் துப்பாகிக்கிச் சூட்டு சம்பவம் ! விஷேட பொலிஸ் குழுக்களை அமைத்து விசாரணை செய்யவும்..


யாழ் மேல்நீதிமன்ற நீதிபதி எம். இளஞ்செழியன் பயணம்செய்த வேளை நேற்று (22) நல்லூர் பிரதேசத்தில் மேற்கொள்ளப்பட்ட துப்பாக்கிச் சூட்டு சம்பவத்தை கண்டித்துள்ள ஜனாதிபதி மைத்ரிபால சிறிசேன, அந்த சம்பவத்தில் உயிரிழந்த பொலிஸ் அதிகாரி சரத் பிரேமசந்திரவின் மறைவுக்கு தனது ஆழ்ந்த அனுதாபங்களை தெரிவித்துள்ளார்.


இந்த சம்பவத்தை அடுத்து நீதிபதியின் பாதுகாப்பு குறித்து கவனம்செலுத்தியுள்ள ஜனாதிபதி, அனைத்து நீதிபதிகளினதும் பாதுகாப்பு தொடர்பில் விசேட நிகழ்ச்சித்திட்டமொன்றை நடைமுறைப்படுத்துமாறு பொலிஸ் மா அதிபருக்கு பணிப்புரை வழங்கியுள்ளார்.

விசேட பொலிஸ் குழுக்களை அமைத்து இந்த சம்பவம் தொடர்பாக விரிவான விசாரணைகளை உடனடியாக மேற்கொள்ளுமாறும் ஜனாதிபதி பொலிஸ்மா அதிபர் உள்ளிட்ட பாதுகாப்பு தரப்பினருக்கு ஆலோசனை வழங்கியுள்ளார்.

உயிரிழந்த பொலிஸ் அதிகாரியின் மறைவையிட்டு அவரது குடும்ப உறுப்பினர்களுக்கு தனது ஆழ்ந்த அனுதாபங்களை தெரிவித்துள்ள ஜனாதிபதி, தமது கடமையை சரியாக செய்கின்ற இத்தகைய அதிகாரிகள் முழு அரச சேவைக்கும் பொலிஸ் திணைக்களத்திற்கும் முன்னுதாரணமாகும் என்றும் தெரிவித்துள்ளார்.

சம்பவத்தில் காயமடைந்த பொலிஸ் அதிகாரி விரைவாக குணமடையவேண்டும் என தான் பிரார்த்திப்பதாகவும் ஜனாதிபதி மேலும் தெரிவித்துள்ளார்.


யாழ் துப்பாகிக்கிச் சூட்டு சம்பவம் ! விஷேட பொலிஸ் குழுக்களை அமைத்து விசாரணை செய்யவும்.. யாழ் துப்பாகிக்கிச் சூட்டு சம்பவம் ! விஷேட பொலிஸ் குழுக்களை அமைத்து விசாரணை செய்யவும்.. Reviewed by Madawala News on 7/24/2017 12:07:00 AM Rating: 5