tg travels

முச்சக்கரவண்டி மேல் மரம் விழுந்தது. உள்ளேயிருந்த ஆசிரியை பரிதாபமாக உயிரிழந்தார்.


தலவாக்கலை பொலிஸ் பிரிவிரிற்குட்பட்ட ஹட்டன் தலவாக்கலை பிரதான வீதியில் டெவோன் பகுதியில் ஏற்பட்ட விபத்தில் பெண் ஒருவர் உயிரிழந்துள்ளதாக தலவாக்கலை பொலிஸார் தெரிவித்தனர்.

இவ்விபத்து இன்று (29) மதியம் 12 மணியளவில் இடம்பெற்றுள்ளது.

கொட்டகலை பகுதியிலிருந்து தலவாக்கலை பகுதிக்கு சென்ற முச்சக்கரவண்டியே இவ்வாறு விபத்துக்குள்ளாகியுள்ளது. விபத்தில் பெண் ஒருவர் ஸ்தலத்திலேயே பலியானதோடு, சாரதி படுகாயங்களுக்கு உள்ளாகியுள்ளார்.

டெவோன் பகுதியில் தீடிரென பாரிய மரம் ஒன்று முறிந்து முச்சக்கரவண்டியின் மேல் விழுந்ததாலேயே இவ்விபத்து இடம்பெற்றுள்ளது.

இதேவேளை மரம் முறிந்து விழுந்ததன் காரணமாக பிரதான வீதியினூடான போக்குவரத்து பாதிக்கப்பட்டுள்ளதோடு, போக்குவரத்தை சீர்செய்வதற்கான நடவடிக்கையை பொலிஸார் மேற்கொண்டு வருகின்றனர்.

இவ்வாறு உயிரிழந்தவர் தலவாக்கலை தமிழ் மகா வித்தியாலயத்தில் கற்பித்துக் கொடுக்கும் ஆசிரியையான வெரோனிக்கா (வயது -39) என அடையாளம் காணப்பட்டுள்ளார்.

உயிரிழந்த பெண்ணின் சடலம் லிந்துலை வைத்தியசாலையில் பிரேத அறையில் வைக்கப்பட்டுள்ளதோடு, காயமடைந்த சாரதி லிந்துலை வைத்தியசாலையில் சிகிச்சை பெற்று வருகின்றார்.

இவ்விபத்து தொடர்பில் மேலதிக விசாரணைகளை தலவாக்கலை பொலிஸார் மேற்கொண்டு வருகின்றனர்.
முச்சக்கர வண்டி மீது மரம் முறிந்து விழுந்த விபத்தில் ஆசிரியை பலி
முச்சக்கரவண்டி மேல் மரம் விழுந்தது. உள்ளேயிருந்த ஆசிரியை பரிதாபமாக உயிரிழந்தார். முச்சக்கரவண்டி மேல் மரம்  விழுந்தது. உள்ளேயிருந்த ஆசிரியை பரிதாபமாக உயிரிழந்தார். Reviewed by Madawala News on 8/29/2017 02:54:00 PM Rating: 5