Kidny

Kidny

போட்டி இடையில் நிறுத்தப்பட்டு இலங்கை வீரர்கள் முகமூடியுடன் களமிறங்கினர். நல்ல நாடகம் என இந்திய ரசிகர்கள் கிண்டல்.

இந்தியா, இலங்கை அணிகள் மோதும் மூன்றாவது கிரிக்கெட் போட்டியில், ஆபத்தான காற்று மாசுபாட்டால்
தடை ஏற்பட்டது.

இந்தியா சென்றுள்ள இலங்கை அணி, முதலில் 3 டெஸ்ட் போட்டிகள் கொண்ட தொடரில் பங்கேற்கிறது

இதன் முதலிரண்டு டெஸ்டின் முடிவில், இந்திய அணி, 1-0 என முன்னிலையில் உள்ளது. இரு அணிகள் மோதும் மூன்றாவது டெஸ்ட் டெல்லியில் நடக்கிறது.

முதல் நாள் ஆட்டநேர முடிவில், இந்திய அணி முதல் இன்னிங்சில் 4 விக்கெட்டுக்கு 371 ரன்கள் எடுத்திருந்தது. கோலி (156), ரோகித் (6) அவுட்டாகாமல் இருந்தனர்.

இன்றைய இரண்டாவது நாள் ஆட்டத்தில் முதல் இன்னிங்சை தொடர்ந்த இந்திய அணிக்கு கேப்டன் கோலி, டெஸ்ட் அரங்கில் தனது 6வது இரட்டைசதத்தை பதிவு செய்தார். இந்நிலையில் உணவு இடைவேளைக்கு பின் இந்திய அணி முதல் இன்னிங்சில் 5 விக்கெட்டுக்கு 519 ரன்கள் எடுத்திருந்தது.

அப்போது போட்டியின் 123வது ஓவரை வீசிய இலங்கையின் காமகே, மூச்சு விடமுடியாமல் தடுமாறினார்

இதையடுத்து டெல்லியில் வழக்கத்தைவிட அதிகளவில் ஆபத்தான அளவில் காற்று மாசுபாடு ஏற்பட்டதாக தெரிவித்து இலங்கை வீரர்கள் வாக்கு வாதம் செய்தனர்.

பின்னர் இலங்கை அணியின் எல்லா வீரர்களும் முகத்தில் முக மூடி அணிந்தனர். ஆனால் களத்தில் இருந்த அம்பயர்கள், இந்தியாவின் கேப்டன் கோலி, அஷ்வின் யாரும் முகமூடி அணியவில்லை.

தவிர, மைதானத்தில் இருந்த சில அதிகாரிகள், வீரர்களை தவிர, ரசிகளில் பெரும்பாலானோர் முகமூடி அணியவில்லை. இதனால் சிலர் சத்தமிட்டனர்.

களத்தில் இந்திய வீரர்களை அவுட்டாக்க முடியாததால் தான் இப்படி ஒருநாடகத்தை இலங்கை வீரர்கள் நடத்தியதாக டுவிட்டரில் இந்திய ரசிகர்கள் பதிவிட்டனர்.

இதனால் போட்டி சுமார் 16 நிமிடம் தாமதமானது. பின்  இலங்கை வீரர்கள் தொடர்ந்து போட்டியில் விளையாடினர்.
போட்டி இடையில் நிறுத்தப்பட்டு இலங்கை வீரர்கள் முகமூடியுடன் களமிறங்கினர். நல்ல நாடகம் என இந்திய ரசிகர்கள் கிண்டல். போட்டி இடையில் நிறுத்தப்பட்டு இலங்கை வீரர்கள் முகமூடியுடன் களமிறங்கினர். நல்ல நாடகம் என இந்திய ரசிகர்கள் கிண்டல். Reviewed by Madawala News on 12/03/2017 01:25:00 PM Rating: 5